喺日本有一個詞彙名為「B級美食」，意思係指價格相宜又大眾化嘅美食。每一個地方都有自己本身嘅B級美食，其中喺青森市，其中一種非常特別嘅B級美食係味噌咖喱牛奶拉麵。

 

呢一款同三合一咖啡異曲同工嘅「三合一拉麵」，係由北海道人發明。相傳喺1968年，有一個札幌人喺青森市中心開咗一間「味之札幌」拉麵店嘅分店。當時喺經常前來光顧嘅中學生，已經非常流行將蛋黃醬、蕃茄醬、可樂等隨便加到拉麵裏面嘅食法。

 

味噌咖喱牛奶拉麵呢款「三合一拉麵」，和三合一咖啡有異曲同工之妙。

當時菜單入面已經有單獨嘅味噌拉麵丶咖喱拉麵，以及牛奶拉麵嘅舖頭，見到以及牛奶拉麵嘅舖頁內，見到班中學生撈來撈去咁滋味，於是無意中試試將味噌丶咖喱同牛奶混合煮煮，結果發現意外地好味，於是將味噌咖喱牛奶拉麵當成「隱藏料理」咁賣，顧客食過之後大獲好評，呢款最後喺1975年成為常規產品。


喺超級市場和便利店都可以見到味噌咖喱牛奶拉麵嘅影子。

簡單而言，味噌咖喱牛奶拉麵就係將札幌味噌拉麵加入咖喱粉以及牛奶，配菜仲有叉燒丶芽菜等。當地人推介咁話，呢碗拉麵結合咗「味噌嘅濃郁」丶「咖喱嘅刺激」丶「牛奶嘅醇厚」，係全日本獨家嘅新式「三合一拉麵」。


（本文圖片為資料圖片。本文轉載自《四分一遊記》。）